Seoladh áthasach in Eanach Dhúin
Bhí sceitimíní ollmhór i measc na bpáistí i Scoil Naomh Breandán in Eanach Dhúin an tseachtain seo nuair a sheol na páistí i rang a ceathair leabhar filíochta a scríobh siad féin.
Chuir gach duine de na 16 pháiste i rang Katie O’Donovan dán isteach don bhailiúchán a seoladh ag ócáid speisialta i halla na scoile tráthnóna Dé Céadaoin.
Léigh seachtar de na páistí a ndánta féin ag seoladh an leabhair a tháinig chun cinn a bhuíochas le sraith ceardlann filíochta a rinne an file Seán Ó Coistealbha in Eanach Dhúin agus Maigh Cuilinn i mí Feabhra.
Shocraigh na hOifigigh Pleanála Teanga sna ceantair, Ciaran Tierney (Gaeltacht an Eachréidh) agus William Howard (Gaeilge Mhaigh Cullinn), páistí Scoil Baile Nua agus Scoil Naomh Breandán a thabhairt le chéile le haghaidh sraith ceardlann idirghníomhach a bhí dírithe ar grá don fhilíocht a spreagadh agus úsáid na Gaeilge a ‘normalú’ taobh amuigh den seomra ranga.
Tar éis dóibh na ceardlanna a chríochnú, cheap Ciaran agus múinteior Katie gur smaoineamh iontach a bheadh ann dá scríobhfadh páistí Annaghdown dánta dá gcuid féin do leabhrán a choimisiúnaíodh go speisialta agus a mhaoinigh an t-oifigeach pleanála teanga.
Thug Ms. Uí Dhonnabháin cúpla seachtain do na páistí chun a gcuid dánta féin a scríobh ‘as Gaeilge’ i ndiaidh dheireadh na gceardlann agus bhí sí thar a bheith sásta le caighdeán na ndánta.
D’fhostaigh Ciarán an dearthóir leabhar Ines McGee, ó An Bean Sí, chun dearadh a cheapadh do leabhrán idirghníomhach póca a bhféadfadh na páistí a dhathú iad féin. Priontáladh na leabhair an tseachtain seo caite ag Clódóiri Lurgan (CL) i gConamara.
Léigh cuid de na páistí a ndánta sa halla mór agus sheinn cuid eile ceol le linn seoladh iontach a mhair breis agus uair an chloig. Bhí roinnt tuismitheoirí i láthair freisin.
Chun cur leis an sceitimíní, bhí Roisin Ni Chéileachair ó Nuacht Cúla 4 linn le haghaidh an seoladh agus craoladh tuairisc iontach faoi ar Cúla 4 an lá dar gcionn.
“Bhí sé iontach,” a deir Katie ag deireadh na hócáide. “Thaitin na ceardlanna go mór leo mar bhí siad in ann blas a fháil den saghas filioct a dhéanann Sean O Coistealbha agus fuair siad go leor aithne air mar file. Bhi an-spraoi acu leo sin. Uaidh sin, ó na ceardlanna fuair siad sort inspioráid chun a dánta féin a scríobh.”
Thug Katie saoirse do na daltaí ó thaobh téamaí agus bhi sé sin soléir ón bpáisean a léirigh na páistí agus iad ag léamh a bhfilíochta féin sa halla mór agus ar ceamara le haghaidh Cula 4.
“Thaitin sé go mór leo,” a deir Katie. “Scríobh cuid acu faoi laethanta saoire, faoin trá, nó faoin ngrian. Cuid eile faoi ainmhithe. Fuair buachaill amháin coileán dhá mhí í ó shin agus ní raibh sé in ann scríobh faoi rud ar bith eile ach an coileán!
“Tá sé go deas an caidreamh sin a bheith againn le scoileanna Gaeltachta eile, chun iad a chur cun cinn agus chun blaiseadh a fháil de na rudaí a dhéanann siad sna scoileanna sin. Blas a fháil den cultúr dearfach atá acu faoin nGaeilge. Bhí suim ollmhór ag na páistí sna háiseanna a bhí againn sa dá scoil.
“Rinneamar cinnte go meascfaí na páistí le chéile iad le linn na gceardlann, chun labhairt lena chéile agus chun aithne a chur ar a chéile, agus iad ag caint Gaeilge le chéile. Tá an leabhrán go hálainn, an deas agus solúbtha. Tá sé speisialta agus coimeádfaidh siad iad so todhchaí, le cúnamh Dé.”
