Ranganna Gaeilge díolta amach

Tá ár dtéarma nua ranganna Gaeilge in Óstán na nArches i mBaile Chláir na Gaillimhe díolta amach go hiomlán anois.

Tosaíonn an téarma nua amárach (Dé Máirt, 13 Eanáir). Mairfidh sé ocht seachtaine agus tá dhá leibhéal ranganna ann – do Thosaitheoirí agus do Mheánleibhéil.

Chuireamar cúpla áit bhreise ar díol don rang Idirmheánach (8.30 go 9.30in), ach dhíol na ranganna amach go hiomlán aréir, dhá lá roimh thús na gcúrsaí. Díreach mar a dhíol ár gcéad téarma de ranganna do dhaoine fásta amach i mí Dheireadh Fómhair.

Cé go bhfuil sé frustrach daoine a dhiúltú ag an bpointe seo, táimid thar a bheith sásta leis an spéis atá léirithe ag daoine fásta i nGaeltacht an Eachréidh inár dteanga dhúchais.

Is cosúil go bhfuil an athbheochan iontach seo ar siúl ar fud na tíre agus go deimhin, labhair ár nOifigeach Pleanála Teanga, Ciarán Tierney, faoin athbheochan ollmhór spéise sa Gaeilge ar Raidio na Gaeltacht an tseachtain seo caite.

Is féidir éisteacht ar ais leis anseo: https://www.rte.ie/radio/rnag/clips/22573025/

Táimid ag tnúth le fáilte a chur roimh gach duine atá cláraithe in Óstán na nÁirsí amárach. Beidh na ranganna ar siúl ó 7.15 go 8.15pm (Tosaitheoirí) agus ó 8.30 go 9.30pm (Meánrang).

Má tá ticéad ceannaithe agat do na ranganna, bí ann thart ar 15 nóiméad roimh thús na ranganna le clárú agus socrú isteach. Tá an múinteoir óg Máire Nic Oireachtaigh ag tnúth le fáilte a chur roimh dhaltaí nua, chomh maith leo siúd a bhí léi roimh na laethanta saoire.

Go n-éirí libh!

Múinteoir Máire ag an gclár bán