Gaeltacht an Eachréidh ar chamchuairt
Bhí lá iontach ag Gaeilgeóirí ón taobh seo tíre ar an Satharn nuair a chasamar leis an bhfile agus treoraí Seán O Coisdealbha le haghaidh turas lae iomlán ar Chonamara, ócáid iontach inar chuir sé béim ar oidhreacht, ár dteanga dhúchais, finscéalta, agus comhrá.
Thosaíomar ár dturas in An Spidéal, sráidbhaile dúchais O Coisdealbha, go luath ar maidin Dé Sathairn áit ar bhuail na rannpháirtithe le chéile le haghaidh cupán caife, turas treoraithe timpeall an tsráidbhaile, agus cuairt ar An tSeanchéibh.
D’inis Seán dúinn faoi stair an chéibh, a tógadh chun faoiseamh a thabhairt don bhochtaineacht sa cheantar sa 19ú haois, agus nach raibh sé suite san áit is fearr. Tá cosán álainn anois a ceanglaíonn an tseanchéibh leis an gcéibh nua, áit ar thug Seán léargas dúinn ar stair, nádúr, agus oidhreacht An Spidéal.
Bhailigh sé luibheanna a bhí ag fás go fiáin sa sráidbhaile.
Ansin thiomáin muid siar chun cuairt a thabhairt ar Bhád Cholmcille i mBaile na hAbhann. Chuir Seán scéalta iontacha agus cúpla dán in iúl dúinn faoin suíomh álainn seo, ar bhruach Chuan na Gaillimhe le radharc iontach ar Oileáin Árann.
Dúirt sé go bhfuil an Gaeilge fite fuaite le hoidhreacht na ceantair agus thugamar cuairt ar bhaile meánaoiseach tréigthe a chreideann go leor cuairteoirí – go mícheart mar a thárlaionn sé – go bhfuil baint aige leis an Ghorta Mhóir.
Tar éis sos don lón i Cookes Caife i gCasla, bhogamar níos faide siar go dtí Ceanntar na nOileáin, áit ar thug muid cuairt ar Thobar Naomh Anna i dTír an Fhia.
Tugann oilithrigh cuairt ar an tobar seo i rith na bliana ar fad agus d’inis Seán dúinn faoin nós atá ag daoine siúl seacht n-uaire timpeall an tobair. Creidtear gur féidir leis an uisce daoine a leigheas agus is áit álainn, shuaimhneach í.
Chríochnaigh ár dturas ag Tobar na Seacht Scéal, atá suite i nGairdín na Mílaoise in aice le hEaglais Chaitliceach Thír an Fhia, áit chun deireadh a chur le lá iontach lán le scéalaíocht agus radharcanna áille i nGaeltacht bhríomhar Dheisceart Chonamara.
Míle buíochas le gach duine a ghlac páirt ar an Satharn.
