Comhrá agus ceol i gCluain Bú
Tá an ciorcal comhrá míosúil ag Tigh Regan, Cluain Bú, ag filleadh ar ais ar an Luan Saoire Bainc seo chugainn, 2 Feabhra (8in), le hoíche speisialta craic agus ceoil chun a gcéad chruinniú de 2026 a cheiliúradh.
Beidh ceathrar ceoltóirí áitiúla ar a laghad ag teacht le haghaidh seisiún ceoil i ndiaidh uair an chloig de chomhrá ‘as Gaeilge’ ag Regan’s.
Beidh spás acu do cheoltóir nó dhó eile, nó d’amhránaí, más mian leat uirlis cheoil a thabhairt leat.
Bheadh áthas an domhain ar na cainteoirí Gaeilge áitiúla dá mbeadh Gaeilgeoirí ó Charn Mór, Baile Chláir, Eanach Dhúin, agus Mionlach in éineacht leo ar feadh cúpla uair an chloig.
Cuireadh Ciorcal Comhrá na míosa seo caite ar ceal mar gheall ar dhrochaimsir agus an am seo anuraidh bhí go leor de na tithe áitiúla timpeall Cluain Bú agus Eanach Dhún fós gan leictreachas tar éis an scrios a rinne Stoirm Eowyn.
Ceann de na bealaí is fearr chun do chuid Gaeilge a fheabhsú ná páirt a ghlacadh i gCiorcal Comhrá. Tá siad ag éirí níos coitianta ar fud na tíre.
Tá fáilte roimh chách agus is áit iontach í chun do chúpla focal a chleachtadh nó chun foghlaim ó chainteoirí dúchais.
Mar sin, cén fáth nach gceiliúrfá an Lá Saoire Bainc linn ag Regans ar an Luan beag seo?
