Ceiliúrann Gaeilgeoirí in Óstán na nÁirsí
Jarlath Brennan agus Tomás Ó Flatharta ag canadh amhráin ‘as Gaeilge’ ag ár gcóisir Nollag.
Rinneadh ceiliúradh ar bhliain inar tháinig athbheochan ollmhór ar spéis sa Gaeilge mBaile Chláir, Eanach Dhúin, agus Carn Mór ag cóisir Nollag Gaeltacht an Eachréidh in Óstán na nÁirsí i mBaile Chláir.
Bhí sé go hiontach go raibh ceiliúradh Ghaeltacht an Eachréidh ar siúl sna hÁirsí, ionad a d’óstáil roinnt imeachtaí agus ranganna Gaeilge rathúla i rith nab liana.
Tar éis uair an chloig de chomhrá, agus roinnt bia, thug na ceoltóirí Jarlath Brennan agus Tomás Ó Flatharta a ngiotáir amach agus bhain muid taitneamh as níos mó ná uair an chloig d’amhráin iontacha inár dteanga dhúchais.
D’eagraigh Gaeltacht an Eachréidh an chóisir chun buíochas a ghabháil leo siúd a ghlac páirt i ranganna Gaeilge, i gciorcail chomhrá, i dtráth na gceist, agus in imeachtaí eile i rith na bliana.
Tá ‘Ciorcal Comhrá’ seachtainiúil an-rathúil á reáchtáil ag na hÁirsí ó tionóladh an chéad ‘Pop Up Gaeltacht’ ann ag deireadh mhí Feabhra agus le déanaí reáchtáladh dhá leibhéal de ranganna Gaeilge do dhaoine fásta a díoladh amach go hiomlán roimh ré.
Le trí chiorcal comhrá ar siúl anois i Leacht Seoirse, Baile Chláir, agus Cluain Bú, dhá rang do dhaoine fásta in Óstán na nÁirsí gach Máirt, agus neart ceardlann ar siúl inár scoileanna, d’fhás pobal na Gaeilge i nGaeltacht an Eachréidh (Baile Chláir, Eanach Dhúin, agus Carn Mór) de réir a chéile i rith 2025.
“Is iontach an t-athbheochan ollmhór spéise atá tagtha ar an nGaeilge sa cheantar seo lasmuigh de Chathair na Gaillimhe i mbliana,” a dúirt Ciarán Tierney, Oifigeach Pleanála Teanga Ghaeltacht an Eachréidh.
“Go deimhin, ba chúis díoma dúinn go raibh orainnn an oiread sin daoine a dhiúltú dár ranganna Gaeilge do dhaoine fásta, mar bhí siad díolta amach i bhfad roimh ré. Ba chóir go spreagfadh sé sin muid chun níos mó imeachtaí agus ranganna a chur ar siúl in 2026.
“Uaireanta, ní bhíonn sé éasca múinteoir cáilithe nó spás oiriúnach a aimsiú do ranganna. Ach is spreagúil é go bhfuil an spéis ag fás inár dteanga dhúchais!”
Tá an ‘Ciorcal Comhrá’ le filleadh ar Óstán na nÁirsí Déardaoin, 15 Eanáir (8pm) tar éis sos do laethanta saoire na Nollag. Chun clárú le haghaidh nuachtlitir Ghaeltacht an Eachréidh, seol ríomhphost chuig Ciaran ag optanteachreidh@gmail.com
Tháinig óg agus aosta le chéile chun an Nollaig a cheiliúradh le Gaeltacht an Eachridh
Michael Monaghan, Barbara Nic Dhonnacha, agus Ciarán Tierney ag an gcóisir Nollag in Óstán na nÁirsí.
