Siúlach Scéalach Eanach Dhúin

Bhí slua iontach i láthair faoin ngrian gheal nuair a reáchtálamar ár n-imeacht seachtainiúil ‘Siúlach Scéalach’ in Eanach Dhún den chéad uair an tseachtain seo caite.

Míle buíochas leis na daoine áitiúla a thug léargas iontach dúinn ar oidhreacht agus stair na háite áille seo ar bhruach na Coiribe.

Bhí ár siúlóid i bhfad níos faide ná an gnáthuaire an chloig mar go raibh comhrá chomh suimiúil againn faoi stair agus nádúr na háite.

Beimid ar ais ann arís ar an Dé Céadaoin beag seo ar a 7.30 i.n., agus ba bhreá linn dá mbeifeá linn. Ní gá a bheith líofa chun páirt a ghlacadh linn.